Լուրեր

02.10.2019 • Հայաստանը ստորագրեց Անձնական տվյալների ավտոմատացված մշակման դեպքում անհատների պաշտպանության մասին ԵԽ կոնվենցիան փոփոխող արձանագրությունը

Փաստաթղթի նպատակը դեռևս 1985թ. ուժի մեջ մտած կոնվենցիայի բարեփոխումն ու համապատասխանեցումն է ժամանակակից պայմաններին՝ հաշվի առնելով անձնական տվյալների պաշտպանության բնագավառում ի հայտ եկած նոր մարտահրավերները:

02.10.2019 • Միջոցառում Ստրասբուրգում` ի կատարումն Ֆրանկոֆոնիայի երևանյան գագաթաժողովի որոշման

ՖՄԿ գլխավոր քարտուղարը և ԵԽ գլխավոր քարտուղարի տեղակալը բարձր գնահատեցին Հայաստանի շարունակական ջանքերը` երկու կազմակերպությունների միջև կայուն և ամուր երկխոսություն ապահովելու ուղղությամբ: Կարևորեցին փոխադարձ այցերը և միմյանց ներուժի օգտագործումը` ընդհանուր նպատակներին հասնելու համար:

30.09.2019 • Արցախում մարդու իրավունքների պաշտպանության թեմայով միջոցառում Եվրոպայի խորհրդում

Մարդու իրավունքներն իրենց բնույթով համընդհանուր են, և, երբ խոսքը վերաբերում է դրանց պաշտպանությանը, մոնիթորինգին և գնահատմանը, չպետք է լինեն բացթողնված տարածքներ և մոռացված մարդիկ:

25.09.2019 • Եվրոպայի պալատում նշվեց Հայաստանի Ազգային տոնը

Դեսպան Հովհաննիսյանն իր ելույթում շեշտեց, որ Հայաստանը կիսում է դարերի ընթացքում զարգացած այն նույն արժեքներն ու սկզբունքները, որոնք այսօր բնորոշվում են որպես մարդու իրավունքներ, ժողովրդավարություն և իրավունքի գերակայություն։

05.05.2019 • Եվրոպայի խորհուրդը նշում է հիմնադրման 70-ամյակը

Եվրոպայի խորհրդում Հայաստանի մշտական ներկայացուցչությունը կազմակերպեց հայկական գինու համտես և պատմամշակութային հուշարձաններին նվիրված ցուցահանդես: Կատարումներով հանդես եկավ Ստրասբուրգի «Վերածնունդ» հայկական պարային համույթը:

24.04.2019 • Ցեղասպանության 104-րդ տարելիցին նվիրված միջոցառում Ստրասբուրգում

Դեսպան Հովհաննիսյանն իր խոսքում կարևորեց Հայոց ցեղասպանության միջազգային ճանաչման գործընթացում գրանցված վերջին զարգացումները, մասնավորապես՝ շեշտեց ապրիլի 10-ին Եվրոպայի խորհուրդը հյուրընկալող երկրի՝ Ֆրանսիայի նախագահի և վարչապետի կողմից ապրիլի 24-ը Ֆրանսիայում Հայոց ցեղասպանության ոգեկոչման ազգային օր հռչակող հրամանագրի ստորագրումը։ Նա ցավով արձանագրեց, որ այսօր էլ մարդկությունը չի ձերբազատվել ցեղասպանության բախվելու վտանգից և կարևորեց կանխարգելմանն ուղղված ջանքերի համախմբումը։

05.04.2019 • Եվրոպայի խորհրդում Հայաստանի մշտական ներկայացուցչի հարցազրույցը Panorama.am լրատվական կայքին

ԵԽԽՎ համազեկուցողների հայտարարությունը Հայաստանի կողմից վերջին շրջանում գրանցված ձեռքբերումների ապացույցն է և փաստում է, որ առկա է փոխհամաձայնություն՝ շարունակելու համատեղ սերտ աշխատանքը Հայաստանում ժողովրդավարության, մարդու իրավունքների պաշտպանության ու իրավունքի գերակայության ամրապնդման ուղղությամբ։ Առաջին անգամ ԵԽԽՎ համազեկուցողները լիարժեք վստահություն հայտնեցին Հայաստանի կառավարությանը՝ որևէ կասկած չունենալով ՀՀ իշխանությունների գործունեության ու բարեփոխումների օրակարգի հանդեպ։

04.04.2019 • Եվրոպայի խորհրդի նախարարների կոմիտեն որոշում ընդունեց Հայաստանի կողմից ստանձնած պարտավորությունների կատարման մասին

Այսուհետ Հայաստանի կողմից ստանձնած պարտավորությունների կատարման մոնիտորինգը կիրականացվի «Հայաստանի հետ համագործակցության իրավիճակի պարբերական դիտարկման» միջոցով, որը փաստացի փոխարինում է այսպես կոչված «հետանդամակցային» մոնիտորինգի ձևաչափին։

15.03.2018 • «Արցախ. թաքնված գանձեր» խորագրով ցուցահանդես Ստրասբուրգում

Արցախը ոչ միայն հայկական իրականության, մշակույթի և կրոնի, այլև քաղաքակիրթ ողջ աշխարհի կողմից որդեգրած համամարդկային արժեքների կրողն է։ Եվ Հայաստանն ու ողջ հայ ժողովուրդը միաբան են՝ աջակցելու և սատարելու Արցախի մեր հայրենակիցներին և պաշտպանելու նրանց հիմնարար իրավունքները և ազատությունները։

06.12.2017 • Ամանորի և Սուրբ ծննդյան տոներին ընդառաջ ցուցահանդեսի կազմակերպում Եվրոպայի խորհրդի կենտրոնակայանում

Եվրոպայի խորհրդի կենտրոնակայանում բացվեց Հայաստանի մշտական ներկայացուցչության կողմից Ամանորի և Սուրբ ծննդյան տոներին ընդառաջ կազմակերպված նկարիչ Վարդան Գաբրիելյանի՝ «Աստղերի արտացոլանքը» խորագրով ցուցահանդեսը: