Սերգեյ Փարաջանովի «Տրիպտիխ»-ի ցուցադրության վերաբերյալ

03 դեկտեմբերի, 2025

Ս․թ․ դեկտեմբերի 3-ին Եվրոպայի խորհրդի կինոդահլիճում ԵԽ-ում ՀՀ մշտական ներկայացուցչության, Հայաստանի կինոյի հիմնադրամի և Եվրոպայի խորհրդի մշակութային աջակցության հիմնադրամի՝ Եվրիմաժի համատեղ նախաձեռնությամբ տեղի ունեցավ հայ անվանի կինոռեժիսոր Սերգեյ Փարաջանովի «Տրիպտիխ»-ի` «Կիևյան որմնանկարներ» (1966թ.), «Հակոբ Հովնաթանյան» (1967թ.) և «Արաբանախշեր Փիրոսմանիի թեմաներով» (1985թ.) վերականգնված տարբերակի ցուցադրությունը։

Ողջունելով ներկաներին՝ ԵԽ-ում ՀՀ մշտական ներկայացուցիչ, դեսպան Արմեն Պապիկյանը իր խոսքում կարևորեց Եվրիմաժի հետ ձևավորված արդյունավետ համագործակցության շարունակականության ապահովումը։ Անդրադառնալով անվանի կինոռեժիսորի աշխատանքների ցուցադրությանը, դեսպանը հավելեց, որ Սերգեյ Փարաջանովը արվեստի համամարդկային լեզվով միավորում է տարբեր մշակույթներն ու ազգությունները։

Իրենց ելույթներում Ս․ Փարաջանովի գործունեությանն անդրադարձան նաև ԵԽ-ում Վրաստանի և Ուկրաինայի մշտական ներկայացուցիչները։

Ցուցադրությանը ներկա էին ԵԽ-ում հավատարմագրված դեսպաններ և դիվանագետներ, Եվրիմաժի կառավարման խորհրդի անդամներ ու ԵԽ աշխատակիցներ։

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր