«Հայաստանի կողմից ստանձնած պարտավորությունների և հանձնառությունների կատարման մասին» բանաձևի վերաբերյալ

01 հուլիսի, 2024

Հուլիսի 1-ին ԵԽ նախարարների կոմիտեի նիստին ԵԽԽՎ նախագահ Թեոդորոս Ռուսոպուլոսը ներկայացրել է հունիսի 24-28-ին կայացած ԵԽԽՎ ամառային նստաշրջանի արդյունքները։

Հայաստանի մշտական ներկայացուցիչ, դեսպան Արման Խաչատրյանն անդրադարձ է կատարել հունիսի 26-ին ԵԽԽՎ ընդունած «Հայաստանի կողմից ստանձնած պարտավորությունների և հանձնառությունների կատարման մասին» բանաձևին։

Նա նշել է, որ փաստաթղթի հիմնական ուղերձը, ինչպես քննարկումներին ներկայացրել էր համազեկուցող Բորիանա Աբերգը, այն է, որ թեև բարդ համատեքստին՝ Հայաստանը շարունակել է ժողովրդավարական բարեփոխումների ուղին։ Վեհաժողովը բարձր է գնահատել Հայաստանի շարունակական հանձնառությունը ժողովրդավարական զարգացմանը՝ չնայած անվտանգային զգալի մարտահրավերներին։

Դեսպան Խաչատրյանը կարևորել է նաև ԵԽԽՎ աջակցությունը Հայաստանի և Ադրբեջանի միջև խաղաղ գործընթացին՝ հիմնված տարածքային ամբողջականության փոխադարձ ճանաչման, ինքնիշխանության հարգման, սահմանների անձեռնմխելիության և ուժի չկիրառման սկզբունքների վրա։ Վեհաժողովը նաև ողջունել է սահմանազատման մեկնարկը՝ հիմնված 1991թ. Ալմա Աթայի հռչակագրի վրա, ինչպես նաև Հայաստանի կառավարության «Խաղաղության խաչմերուկ» նախաձեռնությունը։

ԵԽԽՎ-ն բանաձևում վերահաստատում է Լեռնային Ղարաբաղում հումանիտար իրավիճակի վերաբերյալ նախորդ բանաձևով արտահայտված դիրքորոշումները՝ Լեռնային Ղարաբաղից ավելի քան 100000 հայ բնակիչների բռնի տեղահանման վերաբերյալ, ինչպես նաև կոչ է անում Ադրբեջանին ազատ արձակել Լեռնային Ղարաբաղի բոլոր կալանավորված ներկայացուցիչներին և Ադրբեջանում պահվող բոլոր հայ ռազմագերիներին։

Ամփոփելով՝ մշտական ներկայացուցիչ Արման Խաչատրյանը վերահաստատել է Հայաստանի հանձնառությունը ժողովրդավարական բարեփոխումներին և պատրաստակամությունը շարունակելու սերտ համագործակցությունը ԵԽԽՎ-ի հետ՝ նպատակ ունենալով նաև ավարտին հասցնել մոնիտորինգի ընթացակարգը և ներգրավվել հետմոնիտորինգային երկխոսության մե

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր