Հայաստանի առաջին Եվրոպական օրերը-Մշակութային միջոցառում Եվրոպայի խորհրդի նախարարների կոմիտեում Հայաստանի նախագահության առիթով

26 հուլիսի, 2013

Եվրոպայի խորհրդի նախարարների կոմիտեում Հայաստանի նախագահության առիթով, Պրովանսի «Եվրոպայի տունը» (Էքս-Մարսել, Ֆրանսիա), «Նաիրի» ասոցացիայի հետ համատեղ և Էքս-ան-Պրովանս քաղաքի ու «Էքսի քույր քաղաքների ասոցացիայի» աջակցությամբ 2013թ. հուլիսի 28-31-ը Էքս-ան-Պրովանսում կազմակերպում է «Հայաստանի առաջին Եվրոպական օրերը» խորագրով մշակութային միջոցառումների շարք։

Ծրագիրը, որում ներառված են լինելու «Հայաստանի ժամանակակից մշակույթը և արվեստը»` երաժշտություն, գրքեր, արհեստ, ճաշատեսակներ, խճանկարներ, լուսանկարներ, «Հայկական արվեստի ցուցադրում»՝ նկարներ, պատկերազարդումներ, ավանդական հագուստներ և «Հայկական երեկոներ», հնարավորություն կտա բացահայտելու հայկական մշակույթը։

Պրովանսի «Եվրոպայի տունը» նախաձեռնություն է, որը կոչված է առաջ մղելու քաղաքացիների Եվրոպայի գաղափարը։ Այն ունի չորս բաղադրիչ՝ անդամների ընկերակցություն, դպրոց և համալսարանական ցանց, Եվրոպական Միության և Եվրոպայի խորհրդի տեղեկատվական կենտրոններ։

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր