Մշակութային միջոցառում Ստրասբուրգում` «Հայաստանի գույները»

27 սեպտեմբերի, 2013

Սեպտեմբերի 27-ին Եվրոպայի խորհրդում Հայաստանի նախագահության հովանու ներքո իրականացվող մշակութային միջոցառումների շրջանակում ԵԽ աշխատակազմի «Ամիկալ» ընկերակցությունը ԵԽ-ում ՀՀ մշտական ներկայացուցչության աջակցությամբ ԵԽ կենտրոնակայանում կազմակերպել էր «Հայաստանի գույները» խորագրով երեկո՝ նվիրված աշխատանքային նոր շրջանի նորամուտին։

Երեկոյի մասնակիցներին ողջույնի խոսք հղեցին Հայաստանի մշտական ներկայացուցիչ, դեսպան Արմեն Պապիկյանը, Ստրասբուրգի քաղաքապետարանի ներկայացուցիչը եւ «Ամիկալ» ընկերակցության նախագահը։

Դեսպան Պապիկյանը համառոտ անդրադարձ կատարեց ԵԽ-ում ՀՀ նախագահության առաջնահերթություններին՝ կարեւորելով նաեւ մշակութային միջոցառումների անցկացումը, ինչը հնարավորություն է տալիս անմիջական շփումների միջոցով փոխադարձ ճանաչելի դարձնել ԵԽ անդամ երկրների հարուստ եւ բազմազան մշակութային ժառանգությունը։

Երեկոյի երաժշտական մասը մեկնարկեց հայկական դուդուկով, որին հետեւեցին հայկական երգերի կատարումներ։ Միջոցառման ընթացքում անցկացվեց բարեգործական վիճակախաղ, որից ստացված հասույթը տրամադրվելու է ծանր հիվանդություն ունեցող անձանց։

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր