Հայաստանի Նախագահությունը աջակցում է «Ոչ` առցանցում ատելություն սերմանող ելույթներին» շարժումը և դրա շրջանակներում իրականացվող միջոցառումները

08 նոյեմբերի, 2013

Եվրոպայի Խորհրդում Հայաստանի Նախագահությունը ողջունել է Գլխավոր քարտուղարի կողմից նախաձեռնած «Ոչ` առցանցում ատելություն սերմանող ելույթներին» շարժումը և աջակցել դրա շրջանակներում իրականացվող միջոցառումները:

Շարժման տեսանելիությունը բարձրացնելու նպատակով Նախագահությունը առանձնահատուկ կարևորեց այս շարժումը ԵԽ-ում ՀՀ Նախագահության շրջանակներում անցկացված «Պայքար Եվրոպայում խտրականության, այլատյացության և անհանդուրժողականության դեմ» բարձրաստիճան խորհրդաժողովի ընթացքում և կոչ արեց ներկաներին խրախուսել շարժման տարածումը Եվրոպայի Խորհրդի ողջ տարածքում:

ԵԽ-ում ՀՀ մշտական ներկայացուցիչ Արմեն Պապիկյանը և Եվրոպայի Խորհրդի գլխավոր քարտուղարի տեղակալ Գաբրիելլա Բատտաինի Դրագոնին նոյեմբերի 7-ին Ստրասբուրգում պաշտոնապես բացեցին «Ոչ ատելությանը» խորհրդաժողովը:

Նոյեմբերի 8-ին ՀՀ մշտական ներկայացուցչության և Եվրոպայի Խորհրդի միջև կնքված համաձայնագրով ՀՀ կողմից 15.000 եվրո կամավոր հատկացումը կուղղվի «Ատելության դեմ երիտասարդների պայքարը կիբեռտարածքներում» ծրագրի արդյունավետության բարձրացմանը:

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր