Եվրոպայի խորհրդում Հայաստանի մշտական ներկայացուցիչ Արման Խաչատրյանի հանդիպումը ԵԽ Մարդու իրավունքների հանձնակատար Դունյա Միյատովիչի հետ

18 հունվարի, 2022

Հունվարի 18-ին Եվրոպայի խորհրդում Հայաստանի մշտական ներկայացուցիչ Արման Խաչատրյանը հանդիպեց ԵԽ Մարդու իրավունքների հանձնակատար Դունյա Միյատովիչին։

Դեսպան Խաչատրյանը ներկայացրեց մարդու իրավունքների և հիմնարար ազատությունների պաշտպանության և խթանման ոլորտում Հայաստանի կառավարության կողմից իրականացվող բարեփոխումների օրակարգը և վերահաստատեց Հայաստանի կառավարության հանձնառությունը՝ շարունակելու այս գործընթացը։

Հանդիպմանը քննարկվեց Հայաստանի և ԵԽ Մարդու իրավունքների հանձնակատարի գրասենյակի միջև առկա համագործակցությունը՝ ընդգծելով այն առավել ընդլայնելու պատրաստակամությունը:

Դեսպան Խաչատրյանը ԵԽ մարդու իրավունքների հանձնակատարին ներկայացրեց նաև Ադրբեջանի կողմից Արցախի դեմ իրականացված ռազմական ագրեսիայի հումանիտար հետևանքները՝ այդ թվում հայ ռազմագերիների և այլ պահվող անձանց հայրենադարձման խնդիրը։ Այս համատեքստում կարևորվեց Հանձնակատարի առավել ակտիվ ներգրավվածությունը մարդու իրավունքների պաշտպանության և հումանիտար խնդիրների հաղթահարման հարցերում։

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր