Հայաստանի մշտական ներկայացուցիչ, դեսպան Արման Խաչատրյանի հանդիպումը ԵԽԽՎ նորընտիր նախագահ Թեոդորոս Ռուսոպուլոսի հետ

29 հունվարի, 2024

Հունվարի 29-ին ԵԽ-ում Հայաստանի մշտական ներկայացուցիչ, դեսպան Արման Խաչատրյանը հանդիպել է ԵԽԽՎ նորընտիր նախագահ Թեոդորոս Ռուսոպուլոսի հետ։

Շնորհավորելով Թեոդորոս Ռուսոպուլոսին ԵԽԽՎ նախագահի պաշտոնում ընտրվելու կապակցությամբ՝ դեսպան Խաչատրյանը վերահաստատել է Հայաստանի աջակցությունը ԵԽԽՎ-ին` Եվրոպայում մարդու իրավունքների պաշտպանության, ժողովրդավարության ամրապնդման և իրավունքի գերակայության ապահովման կարևոր առաքելության գործում։

Տարածաշրջանային անվտանգությանն առնչվող հարցերի համատեքստում դեսպան Խաչատրյանը ներկայացրել է Հայաստանի ու Ադրբեջանի միջև հարաբերությունների կարգավորման գործընթացի վերջին զարգացումները։ Կարևորել է միջազգային գործընկերների աջակցությունն ու ներգրավվածությունը տարածաշրջանում խաղաղության հաստատման ջանքերին։

Անդրադարձ է կատարվել ԵԽԽՎ ձմեռային նստաշրջանի ընթացքում անցկացված քննարկումներին և ընդունված որոշումներին։

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր