ՀՀ ՍԴ նախագահի՝ ՄԻԵԴ դատական տարվա բացմանը մասնակցության վերաբերյալ

30 հունվարի, 2026

Սահմանադրական դատարանի նախագահ Արման Դիլանյանը Մարդու իրավունքների եվրոպական դատարանի (ՄԻԵԴ) նախագահ Մաթիաս Գույոմարի հրավերով 2026 թվականի հունվարի 30-ին Ստրասբուրգում մասնակցել է ՄԻԵԴ դատական տարվա բացման հանդիսավոր նիստին: Ամենամյա պաշտոնական միջոցառմանը ներկա են եղել Եվրոպայի խորհրդի (ԵԽ) 46 անդամ պետությունների բարձրագույն դատարանների նախագահներ, ԵԽ բարձրաստիճան ներկայացուցիչներ, ինչպես նաև ՄԻԵԴ նախկին դատավորներ, դեսպաններ, բարձրաստիճան այլ պաշտոնյաններ:

Դատական տարվա բացման պաշտոնական նիստին հաջորդել է «Լրատվամիջոցների բազմակարծությունը և ժողովրդավարական գործընթացների պաշտպանությունը մարտահրավերներով լի ժամանակներում» վերտառությամբ դատական սեմինարը: Մասնակիցները քննարկել են չորս հիմնական թեմա՝ «Լրատվամիջոցների բազմակարծությունը և տեղեկատվության իրավունքը», «Տեղեկատվության ազատությունը և Եվրոպական միության լիազորությունները․ սահմանափակող միջոցների կիրառման դեպքը», «Ժողովրդավարական գործընթացի ամբողջականությունը և դատական վերահսկողությունը», ինչպես նաև «Ժողովրդի կամքի ազատ արտահայտումը՝ որպես ժողովրդավարական պետական կարգի պաշտպանության նախապայման»։

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր