Եվրոպական սոցիալական խարտիային նվիրված բարձրաստիճան համաժողովի վերաբերյալ

19 մարտի, 2026

Մարտի 18-19-ը Մոլդովայի Քիշնև քաղաքում կայացել է Եվրոպական սոցիալական խարտիային նվիրված բարձրաստիճան համաժողով, որին մասնակցել է ԱՍՀ նախարարի տեղակալ Տաթևիկ Ստեփանյանը։

Համաժողովին մասնակցել են նաև ԵԽ անդամ պետությունների բարձրաստիճան ներկայացուցիչներ, միջազգային կազմակերպությունների, քաղհասարակության և գիտական ոլորտի ներկայացուցիչներ։

Համաժողովի ընթացքում քննարկվել են սոցիալական իրավունքների կարևորության, խարտիայի դրույթների արդյունավետ իրականացման և ԵԽ դերակատարության հարցեր։ Նախարարի տեղակալ Տաթևիկ Ստեփանյանը վերահաստատել է Հայաստանի հանձնառությունը սոցիալական իրավունքների պաշտպանության ուղղությամբ՝ ներկայացնելով իրականացվող բարեփոխումները՝ սոցիալական աջակցության նոր համակարգ, թվայնացում, հաշմանդամություն ունեցող անձանց աջակցություն, զբաղվածության և ժողովրդագրական քաղաքականություններ։

Նախարարի տեղակալը պանելային քննարկման ընթացքում ընդգծել է սոցիալական պաշտպանության համակարգերի մարդակենտրոն և ներառական թվայնացման կարևորությունը։ Երկկողմ հանդիպման ընթացքում ԵԽ Տեղական և տարածաշրջանային իշխանությունների կոնգրեսի նախագահ Մարկ Կուլսի հետ քննարկվել են նաև սոցիալական աշխատանքի զարգացման և համայնքային ծառայությունների ընդլայնման հարցերը

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր