ԵԽ-ում Հայաստանի մշտական ներկայացուցիչ Արման Խաչատրյանի հանդիպումը ՄԻԵԴ նախագահ Ռոբերտ Սպանոյի հետ

20 հունվարի, 2022

Հունվարի 20-ին Եվրոպայի խորհրդում Հայաստանի մշտական ներկայացուցիչ Արման Խաչատրյանը հանդիպեց Մարդու իրավունքների եվրոպական դատարանի (ՄԻԵԴ) նախագահ Ռոբերտ Սպանոյին։

Շնորհավորելով Մշտական ներկայացուցչին նշանակման կապակցությամբ՝ ՄԻԵԴ նախագահ Ռոբերտ Սպանոն ընդգծեց դատարանի և Հայաստանի կառավարության միջև արդյունավետ համագործակցության կարևորությունը։ Նախագահ Ռոբերտ Սպանոն ներկայացրեց ՄԻԵԴ աշխատանքների բարեփոխումների օրակարգը, այս ուղղությամբ տարվող աշխատանքները և առկա ծրագրերը։

Դեսպան Խաչատրյանը իր հերթին կարևորեց ՄԻԵԴ հետ համագործակցության հետագա զարգացումը։ Այս համատեքստում նշվեց, որ Հայաստանի վարչապետի որոշմամբ ստեղծվել է Մարդու իրավունքների եվրոպական կոնվենցիայով ստանձնած պարտավորությունների իրականացման աշխատանքները համակարգող միջգերատեսչական հանձնաժողով:

Հանդիպմանը մասնակցեց նաև ՄԻԵԴ դատավոր Արմեն Հարությունյանը։

Հայաստանի ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր